“ Recantos con Encanto “é coñecer esta terra marabillosa chamada Galicia a través  do voso ollar  , recoñecer moitos deses recantos que xa son parte do voso imaxinario e que sentides como propio para facelos  tamén nosos.

A participación nesta proposta consiste en mandar unha foto, vía E- mail ou entregala nun soporte media ( CD , PEN DRIVE ), dun lugar escollido de Galicia e que considerades especial , é necesario que baixo a foto ou nalgunha referencia aparte veña sinalado o nome e localización do lugar relacionado á devandita , máis o nome , apelido e nº de contacto do/da autor /a da imaxe .

No caso de aparecer algunha persoa na foto precisaríamos que , loxicamente o contido principal fose ese recanto con encanto que considerades é digno de coñecer .

Entendemos que as estacións fan especialmente marabillosos certos recantos de Galicia , por iso o prazo da proposta será dende o 15 de novembro ata o 5 de maio , pudendo recoller as diversas cores que as distintas estacións ata maio nos poidan ofrecer , despois e aproveitando a semana das letras galegas , daremos a coñecer á comunidade escolar os nomes das tres fotos escollidas por 3 alumnos/ as de cada clase de primaria e , 6º de E.I , máis tres mestres/as e tres persoas do persoal colaborador en tarefas do centro e que serán galardoadas .

Non obstante o bonito da proposta , é ao noso entender encher o taboleiro e o apartado de recantos con encanto ,con imaxes que dean a coñecer aos/ás nenos/as a través de todos/as os /as participantes ,espazos , lugares , en definitiva recantos que formarán parte do recoñecemento á riqueza paisaxística e monumental destas terras .

Por último dicir que non se trata dun concurso de fotografía onde prime a calidade ,para nada! ,é dicir , onde esteamos ,ben co móbil ou cunha cámara , benvido sexa o re-coñecemento dese recanto , de feito , realmente o fundamento desta proposta radica en coñecer Galicia , e o feito de que haxa uns premios virá a través do propio alumnado e a súa empatía coa maxia de calquera deses recantos .

Tan só animarvos a participar, xa que a maior riqueza de imaxes , maior riqueza visual e de coñecemento para todos/as nós , lembrar que para a entrega da imaxe( máximo dúas por persoa) existen dúas vías :

• -Enviar como arquivo achegado dirixido ao ENLG co nome de recantos con encanto , a través do enderezo wffaulas@gmail.com .

• entregar aos /ás titores/as nun Pen drive , o cal unha vez descargado será devolto ao/á alumno /a .

 

               Animádevos a participar , pois ...na riqueza da imaxe

                                       nace o noso entendemento .